Një influencuese Havajane u qëllua për vdekje nga bashkëshorti i saj, përpara vajzës së saj tetë vjeçare, dy javë pasi ajo paraqiti një urdhër ndalimi kundër tij.
Nëna e tre fëmijëve, Theresa Cachuela, 33 vjeç, u qëllua në kokë të premten në mëngjes në parkingun Pearlridge Center në Waimalu, Hawaii.
Sipas Daily Mail, Jason Cachuela, 44 vjeç, u largua nga vendi i krimit dhe më vonë u gjet i vdekur aty pranë, me autoritetet që po shqyrtonin skenarin e vetëvrasjes.
Të shtënat erdhën vetëm dy javë pasi Theresa paraqiti një urdhër ndalimi kundër burrit të saj, duke e akuzuar atë për ngacmim dhe ndjekje dhe duke i thënë gjykatës se ajo po e bënte “për të mbrojtur veten dhe fëmijët e saj”.
Nëna e Terezës, Lucita Ani-Nihoa, tha për Hawaii News Now, “Ai e kishte kërcënuar se do ta vriste përsëri. Ajo po përpiqej t’u tregonte oficerëve për të gjitha gjërat që po ndodhnin, për armën që ai kishte tërhequr mbi të.”
“Ata nuk e arrestuan kurrë, duke e ditur se kishte armë, duke e ditur se ai tentoi të vriste fëmijët dhe atë në garazhin e saj”, shtoi nëna e 33-vjeçares.
Discussion about this post