Kryeministri Edi Rama i është përgjigjur sërish akuzave të PD për shpenzimet marramendëse që shpenzon për udhëtimet me charter privat.
Përmes një video në Facebook, Rama ironizon deputeten demokrate Orjola Pampuri, ndërsa mohoi akuzat se kishte qëndruar në resortin luksoz në Wildbad Kreuth-in legjendar, që ka qenë dikur e familjes mbretërore bavareze Wittelsbach, ndërsa shtoi se budallallepsja vjen nga dy rrugë.
“Budallallepsja vjen nga dy rrugë. Njëra të besosh atë që s’është e vërtetë; tjetra të refuzosh të besosh atë që është e vërtetë”, shkruan Soren Kierkegaard. Këtë duhet ta mbajë parasysh çdo qytetar demokrat, i cili sot gjendet mes këtyre dy rrugëve, ku njëra palë i thotë beso atë që s’është e vërtetë, ndërsa pala tjetër i thotë refuzo ta besosh atë që është e vërtetë”, shkruan Rama.
Kryeministri tha se kishte qëndruar bashkë me gruan dhe djalin e tyre të vogël, Zahon, në një hotel në Mynih. “Fakti që kam dalë në fotografi, pranë me resortin legjendar, s’do të thotë se kam qëndruar aty, unë kam qëndruar me familjen në Mynih. Kam kaluar një orë ne zonën e liqenit me gazetaren, për rubrikën e saj të njohur me personalitete, të ftuara për një bashkëbisedim në natyrë. Kështu që në vend që të shkoni te llixhat e carëve dhe perandoreshave, gjeni një përkthyes dhe mos shikoni vetëm fotografitë”, shtoi ai.
Ndër të tjera, kreu i qeverisë nuk kursen ironinë edhe me matematikën e kryedemokratit Lulzim Basha apo “bravat” që janë kthyer ndër fjalët më të përdorura në retorikën e përdorur nga Berisha.
Discussion about this post