Këshilli i Ministrave ka vendosur që tani e tuje entet publike nuk do mund të bëjnë më padi në Gjykatën e Lartë për çështje shkarkimi apo vjetërsi pune. Ky projekt udhëzim i qeverisë vjen vetëm pak kohë pas kërkesës që Gjykata e Lartë i bëri institucioneve publike që të mos bëjnë rekurse pranë saj për çështje të vogla. Përmes një udhëzimi, qeveria iu kërkon që të heqin dorë nga rekurset për animimin e vendimeve të gjykatave të apelit dhe të Gjykatës Administrative të Apelit për çështjet që lidhen kryesisht me ndërprerjen e marrëdhënieve të punës, njohjen e vjetërsisë në punë, sidomos bëhet fjalë për kur vlera e padisë është më e vogël se dyzetfishi pagës minimale, në shkallë vendi.
Bëhet fjalë për çështje të humbura në të dyja shkallët e gjykimit dhe kur vlera e padisë është më e vogël se dyzetfishi i pagës minimale, si dhe kur vendimet e dëmshpërblimit janë ekzekutuar. Kjo masë është kërkuar nga Gjykata e Lartë me qëllim lehtësimin e shqyrtimit të çështjeve, pasi aktualisht për periudhën 2013-2020, në fushën administrative janë te regjistruara 3082 çështje, ndërsa në fushën civile janë 2322, në të cilat gjyqhumbës janë organet publike. Sipas udhëzimit heqja dorë nga rekursi bëhet me shkrim dhe sipas rregullave të përcaktuara në legjislacionin procedural civil dhe administrative.
Discussion about this post