Vllaznia e futbollit të vajzave fitoi 2-0 ndeshjen e parë përballë ekipit ukrainas Kolos Kovalivka.
Takimi në “Loro Boriçi”, i vlefshëm për turin e parë të UEFA Women’s Cup, u dominua nga kuqeblutë që zotëruan mirë topin dhe mbyllën hapësirat për kundërshtarin. Shkodranet kaluan shpejt në avantazh. E përhershmja Megi Doçi zhbllokoi rezultatin në minutën e 14, duke realizuar një gol të bukur.
Ende pa mbaruar pjesa e parë Vllaznia dyfishoi shifrat falë një autogoli të Solomkha që vulosi edhe fitoren 2-0 në këtë sfidë të parë.
Ndeshja e kthimit, e parashikuar të luhej në Ukrainë, për shkak të luftës atje do të zhvillohet sërish në Shkodër.
Pas fitores në takimin e parë, Vllaznia është shumë afër kualifikimit në raundin e dytë të UEFA Women’s Cup duke vijuar rrugëtimin e tyre në këtë kompeticion të ri europian pas eleminimit nga Champions League.
Discussion about this post