Ujësjellësi i Vlorës po shkon drejt ristrukturimit të institucionit gjatë kësaj jave. Të paktën 30 persona janë shkarkuar nga detyra që mbanin pranë këtij institucioni nga 420 persona të regjistruar në bordero. Mësohet se janë pushuar persona që nuk janë paritur në punë, persona që nuk iu përputhet diplomimi me pozicionin që mbajnë, abuzues me fondet dhe pushtetin e të tjerë.
Vendimi për këtë “fshesë” është marrë nga drejtuesja e re e ujësjellësit të Vlorës, Elona Hoda. Sipas burimeve, ndryshimet do të vijojnë duke u shkarkuan sërish punonjës të tjerë, përkatësisht ato individë që nuk kanë kualifikimin e duhur për pozicion e punës që gëzojnë.
Në mbledhjen me kryetarët e bashkive në vend Rama u shpreh se bashkia e Vlorës ka regjistruar 78.9% humbje në këtë sektor, shifra më e madhe në radhët e bashkive të tjera. Ai tha se teksa qeveria rrit investimet, bashkitë rrisin humbjet në këtë sektor.
Ujësjellësi i Vlorës është shoqëruar me tensione të vazhdueshme, kjo për shkak të përplasjeve të këtij institucioni me kryetarin e Bashkisë Vlorë, Dritan Leli. Në shtator të këtij viti kreu i Vlorës vendosi shkarkimin e drejtorit të ujësjellësit, në atë kohë Shkëlqim Leskajn. Ky vendim nuk u prit mirë nga ky i fundit, i cili refuzoi të linte detyrën duke mos u larguar nga zyra edhe pse u shkarkua. Leskaj pretendoi se shkarkimi i tij ishte i paligjshëm, pasi ndërmarrja është aksionere dhe të drejtën për shkarkimin e tij e ka vetëm bordi ekzekutiv dhe jo kryetari i bashkisë./ J.V Gijotina.com
Discussion about this post