Urdhër-arrestet e SPAK për bandën që trafikonte klandestinë, zbardhen disa prej emrave

Janë zbardhur detaje të reja nga operacioni i Prokurorisë së Posaçme (SPAK) për goditjen e një grupi kriminal në fushën e trafikimit të qenieve njerëzore.

Burime bëjnë me dije se SPAK ka lëshuar 30 masa sigurie “arrest me burg” dhe 6 masa sigurie “Arrest në shtëpi” Mësohet se deri më tani janë vënë në pranga 20 persona.

Bëhet fjalë për një operacion në kuadër të luftës kundër trafikimit të emigrantëve dhe klandestinëve. Burime bëjnë me dije se në këtë grup kriminal ka qenë i përfshirë edhe një efektiv policie, ndërsa janë ushtruar kontrolle në 51 ambiente.

Me anë të pasaportave të falsifikuara grupi i kalonte emigrantët nga toka dhe ajri për në vende të ndryshme. Mësohet se disa prej personave që dyshohet se janë përfshirë në këtë aktivitet kriminal ndodhen në burg jashtë vendit.

Mësohet se në operacion përveç SPAK dhe Policisë së Shtetit janë angazhuar edhe autoritetet në Spanjë, Itali, Kosovë dhe SHBA.

Gjithashtu, janë zbardhur edhe disa prej emrave për të cilët është lëshuar urdhër-arrest:

1-Arnold Shehu

2-Amarildo Luca

3-Ylli Çaushaj

4-Bashkim Sula

5-Besnik Lumaj

6-R. Marashi

7-Redi Salaj

8-Sokol Maloku

9-Fatmir Stankova

10-Gridi Elezi

11-Bajram Xhaja

12-Sibora Rexha

13-Bardhyl Imeri

Në kërkim

P. Canaj

Gjetur ne banesa:

Xhelil Alla

Ylli Ibrahimaj

Leonard Lama