Uruguai ka shkarkuar nga posti i trajnerit Oscar Tabarezin. 74-vjeçari qëndronte në stolin e kombëtares amerikano latine prej vitit 2006, ndërkohë që më parë ka qenë trajner i dy herë kampionëve të botës edhe në vitet 1988-1990.
Kombëtarja në fjalë ka zhgënjyer në ndeshjet e fundit (1 barazim dhe 4 humbje), teksa disfata 3-0 në Bolivi ka rezultuar fatale për trajnerin Tabarez.
Uruguai renditet në vend të shtatë në grupin e Amerikës Latinë, dhe rrezikon seriozisht kualifikimin në Botërorin Katar 2022.
Trajneri uruguaian do të mbahet mend për kombëtaren e tij pasi i udhëhoqi drejt fitimit të Kupës së Amerikës në vitin 2011, ndërsa një vit më parë dërgoi Uruguain në gjysmëfinalet e Botërorit Afrika e Jugut 2010.
Discussion about this post