Porcesi i vaksinimit ka sjellë debate të forta me mazhorancës dhe opozitës sot në Komisionin e Shëndetësisë. Zëvendësministrja e Shëndetësisë, Eugenta Tomini, ka dekoruar se do të vijojë aplikimi i vaksinës kineze si dozë të tretë për të vaksinuarit me coronavax, nëse ka ende sasi stok të kësaj vaksine.
Por deklarata e Tominit është kundërshtuar ashpër nga deputet e opozitës. Për kreun e LZHK, Tritan Shehu, ky është një veprim i papërgjegjshëm. Prandaj kërkoi në emër të opozitës ndërprerjen urgjentisht të aplikimit të dy vaksinave të pacertifikuara ndërkombëtarisht Coronavax dhe Sputnik dhe si dozë e tretë të aplikohet vaksina Pfizer.
Opozita kërkoi që në vend të tyre të aplikohet si dozë e tretë vaksina Pfizer. Çështja është kthyer në objekt debate në komisionin parlamentar të Shëndetësisë pasi përfaqësues të qeverisë deklaruan vijimin e aplikimit të vaksinës kineze si dozë të tretë në rastet kur ka gjendje stoku. Por, në përfundim kryetarja e komisionit deklaroi se propozimi Tritan Shehut do t’i dërgohet komisionit të ekspertëve për imunizimin për t’u marrë në konsideratë
Discussion about this post