Nënkryetari i partisë së Lirisë Petrit Vasili ka reaguar mbi skandalin e raportuar nga KLSH, se 770 milion euro janë vjedhur dhe abuzuaur nën qeverisjen e Edi Ramës.
Vasili shprehet se në këto raste SPAK nuk reagon dhe as nuk merr masa, por sipas tij ‘merret me cironka’.
Sipas Vasilit, SPAK dëshmon hapur se mbeshtet dhe inkurajon korrupsionin në vend.
Postimi
Skandal, 770 milion euro dëm ekonomik dhe SPAK-u i qeverisë merret me cironka!
Korrupsion dhe abuzime pafund tek institucionet publike ka konstatuar Kontrolli i Lartë i Shtetit si një institucion Kushtetues e që zgjidhet nga Parlamenti.
Po pse SPAK- u i Ramës bën haptas veshin e shurdhër ndaj KLSH ndërkohë, që bashkëpunimi mes tyre do të kishte qenë kyçi për të luftuar korrupsionin e qeverisë.
SPAK është vënë shumë hapur në krah të qeverise dhe mashtrimeve të saja propagandistike për të mbuluar korrupsionin.
SPAK bën sikur tund dynjanë për një tender rreth 8 mijë dollarë te Shëndetesia dhe arreston dy zyrtare.
Por po ky SPAK nuk ndihet e nuk hap gojën për 770 milion euro dëm ekonomik të konstatuar nga Kontrolli i Lartë i Shtetit, që është institucioni kushtetues, që bën kontrollin financiar në vend.
Këto abuzime flagrante me ligjin kanë shkaktuar dëm ekonomik kolosal në vlerën e 770 milionë eurove.
SPAK si institucioni i drejtesisë gjoja të re bëhet kaq qesharak dhe i dëmshëm për interesat e shtetit kur sheh kontrastin 8 mijë euro dhe 770 milion euro.
Po si mund të kalohet në heshtje dhe pa përgjegjës një dem i tillë ekonomik kolosal.
Në këtë menyrë SPAK mbështet hapur pandëshkueshmërinë e qeverisë dhe inkurajon korrupsionin, që po rrënon vendin dhe po e shpopullon tragjikisht atë.
Kur nënpunës të të gjitha niveleve, gra sidomos, por edhe burra kapen ne korrupsion të të gjitha llojeve mendo ç’bëhet me kokat e institucioneve, ministra e Kryeministër.
Vetëm SPAK bën sikur nuk e di fjalën e popullit që peshku qelbet nga koka, sepse për SPAK-un e Ramës peshku qelbet vetëm nga bishti.
Në raportin e Auditit për vitin 2022, evidentohen parregullsitë, që janë bërë me pasuritë shtetërore, shpenzimet, pagat e shpërblimet. KLSH ka adresuar gjithsej 5,420 rekomandime.
Eshtë fakt qe ‘Drejtesia e re’ apo Ramaforma ishte vetëm kapja e drejtesisë, që korrupsioni i qeverisë të gjallojë i pashqetesuar.
Ndëshkimi i arkave me sardele, tenderave 8 mije euro, dhe kanalit të kullimit në Lushnje dhe mosndëshkimi i Inceneratoreve, Portit të Durrësit qe po shqetëson gjithë Europën, dhe qindra tendera e koncesione të kalbur me korrupsion kjo është fytyra e Drejtësisë me Regji.
Discussion about this post