Vasili: Në dreq Ambasadorët memecë ndaj hajdurisë mafioze të Ramës e Veliajt!

Deputeti i Partisë së Lirisë, Petrit Vasili ka reaguar me tone të ashpra ndaj ambasadorëve të huaj në Shqipëri, lidhur me deklarimet e tyre pas protestës së opozitës para Bashkisë së Tiranës, ku u hodhën bomba molotov në drejtim të godinës.

“Në dreq këta lloj ambasadorësh, qe imponojnë dreqërira në tokën tone, vendin vendin tonë, në atdheun tonë ku zot jemi ne vete, si amanet i të parëve tane, që e mbrojten me gjak këtë toke edhe kur mjaft vende të huaja donin të na coptonin”, shkruan ndër të tjera ai.

Reagimi:

Në dreq Ambasadorët memecë ndaj hajdurisë mafioze të pandëshkuar të Ramës e Veliajt dhe llafazanë kundër opozitës!

Diplomatët e huaj të akredituar në Shqipëri në mënyre tragjikomike bëhen memecë dhe mbyllin gojën përpara denoncimeve shumë të rënda të korrupsionit të Rames dhe Veliajt dhe pandëshkueshmërise së tyre nga SPAK-u.

Por, po këta ambasadorë bëhen llafazanë të palodhur për të komentuar opozitën dhe aksionin e saj parimor dhe demokratik dhe për të predikuar lloj-lloj liturgjish pseudodemokratike pa asnjë bazë e fakt, por thjesht se këtë u kërkon Rama.

Të njëjtët ambasadorë flasin pambarim për sukseset imagjinare të reformes totalisht të kolapsuar e të kapur në drejtësi.

Po të njëjtët që kanë mbyllur gojën përballe Narkoshtetit të Rames, që është quajtur Kolumbi e Evropës.

Por, po këta nuk guxojnë të flasin për kapjen totale të drejtësise nga Rama, që ka sjelle betonimin e pandëshkueshmërisë për të dhe gjithë bandën rilindase që e rrethon.

Nuk flasin për aferën mafioze të Portit të Durresit ku u dhunua hapur Marrëveshja e Stabilizim Asocimit me Bashkimin Europian.

Nuk flasin për moszbatimin kriminal të vendimeve të Gjykates Kushtetuese nga Rama dhe deputetët e tij.

Nuk flasin kur shohin e dëgjojnë aferat e kryeministrit, ministrave, deputetëve, kryetarëve të bashkive, drejtorëve etj.

Nuk flasin kur shohin SPAK-un që si gjymtyrë e kalbur e Ramës dënon me arrest Berishën pa akuzë dhe në dhunim të çdo ligji e procedure parlamentare, ndërsa Beqja, ministra dhe kryetarë bashkie janë të lirë dhe bredhin rrugëve, megjithëse mbi ta ka një mal me akuza.

Nuk flasin për inceneratorët, një aferë qe do të trondiste edhe vendet e tyre po të ndodhte atje.

Nuk flasin për 5D e Bashkisë së Tiranes, të një bande kriminale që kapërcen edhe çdo imagjinatë mafioze vetë.

Nuk flasin kur ushtria e një vendi të NATO-s si Shqipëria konstatohet se kultivon drogë.

Nuk flasin kur bllokohet e gjithë llogaridhënia në Parlament duke bllokuar Komisionet Hetimore e që edhe sot de facto edhe ato dy të vetme që u ngriten janë realisht të blllokuara.

Nuk flasin për dhunën shtetërore dhe shkeljen e të drejtave të qytetarëve për të protestuar.

Ambasadorë që pranojnë standarte pandëshkueshmerie absolute nga SPAK për Ramën dhe Veliajn nuk meritojnë të dëgjohen.

Ambasadore që mbeshtesin drejtesinë me regji dhe një SPAK si kobure e ndryshkur në duart e Ramës për ta mbrojtur nga ndëshkimi, duhet të mbyllin gojen.

Ambasadorë që pranojne për ne shqiptaret standarte të papranueshme për shtetet e tyre nga ata vijne, janë shembulli elokuent i diplomacise së havjarit thënë me thjesht e qarte i diplomacis së korruptuar.

Në dreq këta lloj ambasadorësh, qe imponojnë dreqërira në tokën tone, vendin vendin tonë, në atdheun tonë ku zot jemi ne vete, si amanet i të parëve tane, që e mbrojten me gjak këtë toke edhe kur mjaft vende të huaja donin të na coptonin.