Ka humbur jetën në moshën 34-vjeçare Christina Ashten Gourkani. Ë njohur si sozia e Kim Kardashian, modelja ka ndërruar jetë pas një një ataku kardiak gjate një operacioni plastik.
Vajza e njohur në rrjetet sociale si Ashten, humbi jetën nga ataku kardiak në spital mëngjesin e të enjtes (20 prill) për shkak se operacioni plastik shkoi tragjikisht keq. Pas ngjarjes, familja e saj ka hapur një llogari për mbledhje donacionesh për funeralin.
“Vdekja e saj e papritur është duke u hetuar si vrasje nga autoritetet. Familjarët e përshkruanin atë si shpirt i lirë që ndihmonte të tjerët”, thuhet në mediat e huaja.
Nuk është e qartë se çfarë operacioni plastik kishte kryer Ashten para vdekjes së saj.
“Jam e shkatërruar të dëgjoj për vdekjen tënde, ike kaq shpejt. Ashten ishte aq e bukur”, ka deklaruar shoqja e së ndjerës.
“Ende nuk mund ta besoj. Shpresoja të mos ishte e vërtetë, do të jetosh gjithmonë në zemrat tona”, u shpreh një tjetër mikeshë e Ashten.
Discussion about this post