Mino Raiola vdiq në moshën 54-vjeçare. Agjenti i superfutbollistëve prej disa kohësh ishte i sëmurë dhe janarin e kaluar u shtrua në spitalin San Raffaele në Milano. Prej disa ditësh qarkullonte lajmi sikur ai vdiq dhe vet Raiola e përgënjeshtroi duke thënë se më kanë “vrarë” 4 herë këtë vit por sot familja e tij konfirmoi lajmin në Twitter.
Kush ishte menaxheri i futbollistave VIP?
I lindur në Nocera Inferiore më 4 nëntor 1967, ai në fakt kishte revolucionarizuar figurën e menaxherit, duke filluar nga e para: i rritur në një familje emigrantësh italian në Holandë, ai kishte punuar si kamarier në biznesin e babait të tij, derisa hyri në botën e futbollit, fillimisht si përfaqësues jashtë shtetit të lojtarëve holandezë (në 1993 ai veproi si ndërmjetës në marrëveshjen që solli Bergkamp dhe Jonk në Inter Milan).
Pasi është bërë agjent i FIFA-s, ngjitja e tij drejt suksesit bëhet e pandalshme, me takimin me Ibrahimovicin që i ndryshon jetën. Një marrëdhënie e sinqertë miqësie lind me Zlatanin, e cila gjithmonë do ta bëjë suedezin të konsultohet me Raiolën përpara se të marrë ndonjë vendim apo zgjedhje për të ardhmen e tij.
Ndër të mëdhenjtë e tjerë ai ishte agjent i Pogba, Balotelli, Donnarumma (e njohur tërheqja e tij me Milanin kur ishte fjala për rinovimin e kontratës, me portierin e sjellë më pas te PSG) ndërsa së fundmi iu bashkua dhe Haaland.
Discussion about this post