Vedat Muriqi po zhvillon një paraqitje të jashtëzakonshme me fanellën e Fenerbahçes, duke realizuar katër gola në fitoren spektakolare 8-0 ndaj Eyupsporit.
Sulmuesi kosovar e nisi festivalin e golave që në minutën e shtatë, pasi paraprakisht kishte gituar penallti.
Pas një pasimi të bukur nga Kerem Aktürkoğlu, Muriqi u gjend në vendin e duhur dhe nga afërsia e dërgoi topin në rrjetë për 2-0.
Vetëm 14 minuta më vonë, Muriqi goditi sërish. Në minutën e 21-të, pas një rikthimi të topit në zonë, ai reagoi shpejt dhe e shtyu topin në rrjetë nga fare pranë portës, duke shënuar golin e dytë personal.
Pas golave të Matteo Guendouzit dhe İrfan Kahvecit, Fenerbahçe shkoi në pushim me epërsi të madhe 5-0. Por Muriqi kishte rezervuar edhe më shumë për pjesën e dytë.
Në minutën e 47-të, sulmuesi kosovar mori një pasim të shkëlqyer brenda zonës dhe me një goditje të saktë e dërgoi topin në këndin e djathtë të portës për 6-0. Ishte goli i tretë i tij në këtë takim.
Vetëm tetë minuta më vonë, Muriqi kompletoi pokerin. Në minutën e 55-të, ai u ngrit fuqishëm pas një goditjeje nga këndi dhe me kokë e dërgoi topin në anën e majtë të portës për 7-0. Ai u zëvendësua në minutën e 69-të nga Romelu Lukaku.
Kështu, Vedat Muriqi realizoi katër gola në vetëm 55 minuta, duke qenë protagonisti absolut i një prej fitoreve më të thella të Fenerbahçes.
Ai aktualisht ka 6 gola në elitën e futbollit turk.
Discussion about this post