Vendi ynë ndodhet në gjendje të keqe ekonomike, por pavarësish kësaj çmimet e ushqimeve bazë vazhdojnë të rriten. Sipas të dhënave të publikuara ditën e sotme nga Instituti i Statistikave, vetëm në muajin shkurt çmimet e shportës bazë janë rritur me 7%.
Ndërkaq, ajo që bie në sy është se rritje më të madhe kanë njohur fruta, perimet dhe produktet e brumit.
“Gjatë muajit shkurt janë rritur çmimet e ushqimeve në vend me mbi 7%, ndërkohë që inflacioni ka arritur në shifra rekord. Ai arriti në nivelin 3.9%, duke shënuar një rekord të ri për më shumë se një dekadë.
Brenda grupit të ushqimeve çmimet e nëngrupit “zarzavate përfshirë patatet” u rritën me 16,4 %, pasuar, nga nëngrupet “vajra dhe yndyrna” me 10,1 %, “fruta” me 7,0 %, “bukë dhe drithëra” me 6,8 %, “sheqer, recel, mjaltë, çokollata dhe ëmbëlsira” me 6,7 %, “mish” me 3,9 %, “qumësht, djathë dhe vezë” me 3,3 %”, thuhet në raport.
Edhe INSTAT paralajmëron se në kushtet që jemi çmimet do vazhdojnë të rriten dhe inflacioni nuk po njeh stabilitet
Discussion about this post