Katër persona janë arrestuar në Tiranë dhe tre të tjerë në Shkodër gjatë operacioneve kundër organizimit të basteve sportive online.
Gjatë operacionit ‘Bad Spin 10’, Policia e Tiranës zbuloi disa ambiente të përshtatura për këtë veprimtari të jashtëligjshme në zona të ndryshme.
“Gjatë këtij operacioni, bazuar në inteligjencën policore, janë identifikuar subjekte dhe shtetas që kryenin aktivitetin e paligjshëm të organizimit të lotarive të palejuara (baste sportive online) dhe të përshtatjes së ambienteve për këtë veprimtari të paligjshme, në zona të ndryshme të Tiranës.
Gjatë kontrolleve të ushtruara në këto subjekte, është bërë kapja dhe arrestimi në flagrancë i 4 shtetasve të implikuar në këtë veprimtari kriminale: K. K., 34 vjeç, H. T., 33 vjeç, A. R., 31 vjeç, L. L., 24 vjeç, të gjithë banues në Tiranë”, njoftoi policia.
Edhe në Shkodër, u zbuluan dy lokale të përshtatura për vendosjen e basteve.
“Specialistët për Hetimin e Krimeve të Komisariatit të Policisë Shkodër, nga kontrollet e vazhdueshme në ambiente të ndryshme, të kryera me qëllim goditjen e rasteve të organizimit të kundërligjshëm të lojërave të fatit, kanë konstatuar se në 2 lokale në Shkodër, organizoheshin lojëra fati (baste sportive).
Në vijim të veprimeve procedurale u arrestuan shtetasit V. Gj., 28 vjeç, D. D., 38 vjeç, V. K., 44 vjeç, të tre banues në Shkodër” informoi sot policia.
Po ashtu, u sekuestruan 10 aparate celulare që shërbenin për aktivitetin kriminal.
gijotina.com/
Discussion about this post