Verstappen ironizon titullin “Sir” të Hamilton: Më mjafton të jem kampion bote

Titulli kampion i Formula 1 vazhdon të mbetet një “temë e nxehtë” edhe disa javë më vonë.

Max Verstappen u shpall kampion bote vetëm në xhiron e fundit të garës së fundit të kampionatit, pasi makina e sigurisë hyri në pistë, gjë që shkaktoi shumë polemika.

Pas humbjes tronditëse, Hamilton mori titullin “Sir” në vendlindje, për kontributetet e tij ndaj Britanisë dhe në botën e motosportit.

Mirëpo, për Max Verstappen ky titull është i parëndësishëm. Në një intervistë ai ironizoi me Hamilton dhe tha se i mjafton titulli kampion bote.

“Unë nuk mund të bëhem “Sir” në Holandë, por nuk është as e nevojshme. Unë jam një shofer garash. Titulli i kampionit të botës është i mjaftueshëm”, tha Verstappen.