Komisioni i Pavarur i Kualifikimit ka konfirmuar në detyrë Anita Jellën, kryeprokuroren e Durrësit. KPA ka lënë kështu në fuqi vendimin e dhënë nga KPK, pavarësisht ankimimit të bërë nga Komisioneri Publik.
Mësohet se, drejtuesja e Prokurorisë së Durrësit ka rezultuar e pastër në të trija shtyllat e Vettingut, në pasuri, pastërtinë e figurës dhe aftësitë profesionale.
Anita Jella ka përfunduar studimet në Fakultetin e Drejtësisë në vitin 1999 dhe Shkollën e Magjistraturës në vitin 2002. Ajo e ka filluar karrierën si prokurore në Elbasan në vitet 2001-2003 dhe më pas ka punuar si drejtuese e Prokurorisë së Librazhdit deri në vitin 2007. Pas rikthimit për një vit në Prokurorinë e Elbasanit, Jella u emërua prokurore në Prokurorinë e Durrësit, ku e ushtron funksionin prej 10 vitesh. Më 9 maj 2018, Anita Jella u caktua përkohësisht drejtuese e Prokurorisë së Durrësit.
Discussion about this post