Video/ Bajrami ia bën të vështirë Milanit fitoren e fundit të këtij viti

Këtë mbrëmje janë luajtur ndeshjet e fundit të Seria A për këtë vit kalendarik. Përballja mes Empolit dhe Milanit përfundoi me triumfin e skuadrës së Piolit, në takimin që u mbyll me rezultatin 4-2.

Milanezët ishin të parët që e zhbllokuan këtë sfidë në minutën e 12’ falë golit të Kessie, por mesfushori shqiptar Nedim Bajrami vetëm pak minuta më pas do të rikthente balancën në fushë duke shënuar për Empolin.

Kessie do të realizonte dopietën e tij personale në këtë pjesë të parë, ku goli i minutës së 42’ do të rikthente avantazhin e pjesës së parë në favor të Milanit.

⚽️ Nedim Bajrami ✅pic.twitter.com/lZeJRlyYlg

— Football Albanais (@FutbolliShqipFR) December 22, 2021

Florenzi dhe Hernandez do të shënon sërish në pjesën e dytë, por Empoli do të reagonte me Pinamontin, duke i ngushtuar shifrat në 4-2, por duke e patur të pamundur ti prishin punë nënkampionëve të dimrit.

Në përfundim të këtij viti kalendarik, Milan momentalisht pozicionohet në vendin e dytë të renditjes së përgjithshme të Seria A me 42 pikë, ndërsa Empoli në vendin e nëntë me 27 pikë.