Sot fillon zyrtarisht grumbullimi i parë i trajnerit të ri të kombëtares shqiptare në prag të sfidës së pare eliminatore të europianit, asaj me Poloninë në Varshavë më 27 mars.
Kryefjala e këtij grumbullimi kanë qenë mungesat e shumta nga mbrojtja deri në majën e sulmit nga Gjimshiti, Ismajli, Bare dhe deri tek sulmuesi i Chelsea, Armando Broja i dëmtuar që në vitin e shkuar dhe që do të qëndrojë larg fushës së blertë për shumë kohë, rikthimi i tij përflitet në muajin shtator.
Po ku ndodhet sot sulmuesi i shumëpërfolur i kuqezinjve i cili në vitet e fundit ka qenë një personazh shumë i vacantë, i spikatur për talentin e tij në fushë dhe për sjelljet e tij në dhomat e zhveshjes?
Me sa duket edhe pse i lindur në Londër dhe ku luan futboll në arenën më të fortë dhe më të bukur në botë të futbollit, ai idhullin e tij e zbulon në Shqipëri, këngëtarin, sot banor i Big Brother Vip Luiz Ejlli.
Talenti i Chelsea nuk i ka shpëtuar vorbullës së madhe të këtij edicioni dhe shfaqet në ekranin e mesazheve duke mbështetur Luizin dhe duke shfaqur emrin e tij publikisht me një sms në shtëpinë e BBV.
“Luiz përshëndetje të ndjekim je më i miri,” – shkruan Armando Broja nga Londra në mesazhin e tij për konkurrentin më të përfolur të BBV.
Discussion about this post