Çadra dhe shezlonë në bregdetin e Shëngjinit janë përfshirë nga flakët. Situata e zjarreve në Shëngjin është përkeqësuar në orët e fundit, duke bërë që flakët të përfshijnë jo vetëm zonat pyjore, por ti afrohen edhe rezorteve buzë detit. Pamjet e mëposhtme tregojnë atë se çfarë po ndodh në një prej këtyre resorteve, ndërsa krahas forcave zjarrfikëse, janë angazhuar edhe qytetarë, subjekte private me autobote me ujë, forca vullnetare, ato të policisë.
Një ‘beach bar’ dhe çadrat e një resorti po digjen aktualisht, ndërkohë që flakët rrezikojnë hotelin që ndodhet shumë pranë vatrave të zjarrit.
Forcat zjarrfikëse janë prej orësh në luftë me flakët, që po vijojnë të hapen me shpejtësi të madhe edhe në zonën e rrugës Shëngjin-Velipojë, po ashtu është aktivizuar një tjetër vatër zjarri e re në anën tjetër të malit.
Edhe pse po punohet nga toka dhe ajri, situata mbetet kritike në këtë zonë, ku zjarri po afrohet dhe pranë disa bizneseve dhe banesave.
Discussion about this post