Roma ka reaguar pas humbjes me Atalantën, pasi triumfoi 2-1 në Milano kundër Interit që regjistron disfatën e dytë radhazi pas asaj kundër Udineses.
Interi e nisi me vrull, teksa në minutën e 11-të shënoi në portën e Romës me Dzeko. Gjithsesi VAR e ndali festën, pasi kapi një pozicion jashtë loje dhe dueli vazhdoi 0-0.
Gjithsesi Interi ia doli të shënonte në pjesën e parë. Dimarco ishte ai që u dha avantazhin vendasve, por nuk zgjati shumë. Dybala u hakmor ndaj Interit edhe me ndihmën e Handanovic, i cili nuk e devijoi si duhet topin e gjuajtur nga argjentinasi.
Pjesa e parë u mbyll 1-1, ndërsa në të dytën Interi u përpoq shumë të kalonte sërish në epërsi. Calhanoglu tronditi traversën, kurse Asllani në hyrje të zonës e çoi topin ngjitur me shtyllën.
Drithërima pati te Roma, por jo gol. Verdhekuqtë befasuan më pas me një goditje standarde dhe Chris Smalling e ndëshkoi Interin për të dytën herë dhe i dha fitoren skuadrës së Mourinho.
Inter-Roma 1-2
Dimarco 30’ / Dybala 39’, Smalling 76’
Discussion about this post