VIDEO/ Ky është Olsi i Tik Tok, që ndërroi jetë në aksident

Një person humbi jetën sot në Tiranë si pasojë e një aksidenti. Ngjarja ka ndodhur në rrethrrotullimin e njohur si “Treshi” në Tiranë.

Një kamion ka përplasur për vdekje një 32-vjeçar. Viktima është Olgert Dika.

I riu është i njohur në “Tik Tok” si “Olsi polici”, pasi vishej si efektiv i policisë rrugore.

Kamioni e përplasi për vdekje te vijat e bardha. Madje në atë moment ishte me jelekun që mbajnë veshur policët e qarkullimit. Olsi ishte personazh shumë i njohur dhe videot e tij ishin bërë virale në TikTok.

Ai shpesh bënte rolin e policit të trafikut, sidomos në zonën e Treshit në kryeqytet. Ndaj shoferit të tonazhit po kryhen ekzaminime nëse ka qënë në efektin e alkoolit, e po ashtu po verifikohen shkaqet e vërteta të aksidentit.