Një aksident i rëndë ndodhi disa ditë më parë në lagjen nr.1 të Pogradecit ku një makinë përplasi një 30-vjeçar i cili po lëvizte me biçikletë.
News24 ka publikuar pamjet e aksidentit të rëndë, ku shihet se si makina tip “Benz” përplas të riun dhe më pas largohet nga vendngjarja.
Pas përplasjes, drejtuesi i automjetit, shtetasi A.K. nuk ndaloi në vendngjarje. I plagosuri, shtetasi A.V. u dërgua në spitalin e Pogradecit nën kujdesin e mjekëve, por nuk dihet gjendja e tij shëndetësore.
“Më datë 11.12.2022, rreth orës 18:50, në lagjen nr. 1, Pogradec, shtetasi A. K., duke drejtuar automjetin tip “Benz”, ka aksidentuar biçiklistin A. V., rreth 30 vjeç, banues në Pogradec, i cili aktualisht ndodhet në spitalin e Pogradecit nën kujdesin e mjekëve.
Me drejtuesin e automjetit po kryen veprimet e mëtejshme procedurale. Grupi hetimor po punon për zbardhjen e shkaqeve të aksidentit”, thuhej në njoftimin e policisë të datës 11 dhjetor.
Discussion about this post