Policia Rrugore Tiranë ka ndëshkuar me masën administrative 15 000 lekë, drejtuesin e një autobusi, i cili është filmuar, duke përdorur celularin gjatë drejtimit të automjetit.
Kanë qenë qytetarët ata të cilët kanë filmuar shoferin në fjalë dhe e kanë denoncuar pranë organeve kompetente dhe në rrjete sociale.
Siç shihet dhe nga pamjet e mëposhtme, shoferi mban me brryla timonin e autobusit dhe duart i ka në telefon në kundërshtim me nenin 171 të Kodit Rrugor.
Në rrugën ku ai po kalon shihet një aks me qarkullim të lartë dhe veprimi i shoferi mund të shkaktojë një aksident me pasoja të rënda.
Policia apelon ndaj të gjithë drejtuesve të mjeteve që të respektojnë rregullat e qarkullimit rrugor dhe të shpëtojnë jetë.
Discussion about this post