Reperi Cllevio ndodhet prej gati një muaji në burg, pasi theu masën e arrestit shtëpiak për t’u zënë me reperin Noizy. Gjatë ditës së sotme, një mik i tij ka publikuar në Instastory, një video nga seanca gjyqësore ku mund të shihet Cllevio mbrapa xhamit ndërsa dallohet dukshëm ndryshimi i tij në fizik dhe pamje.
Rreth një muaj më parë Keviol Ahmetaj mbërriti në ambientet e lokalit të reperit Noizy së bashku me disa miq të tij me makina. Pas debatit verbal, Noziy nis ta shqelmojë të riun dhe një moment i riu i shpëton nga duart e reperit, futet në një prej automjeteve dhe largohet.
Po ashtu, të nesërmen reperit iu vendos një lëndë plasëse në lokalin e tij. Shpërthimi shkaktoi dëme të shumta materiale jo vetëm tek butiku dhe lokali i reperit, por edhe te bizneset që ndodheshin aty pranë. Por fatmirësisht, shpërthimi nuk shkaktoi dëme në njerëz kjo falë edhe orarit pasi vendi i ngjarjes është shumë i frekuentuar sidomos në këtë periudhë.
Deri më tani nuk është zbuluar ende autori i krimit teksa Noizy nuk i ka vendosur gishtin askujt në dëshminë e tij ai ka treguar se i vetmi konflikt që ka është ai me Cllevion por nuk mund ta fajsoj atë për vënien e tritolit pa pasur prova.
Discussion about this post