Na ndajnë vetëm pak orë nga zgjedhja e presidentit të ri të republikës dhe kreu aktual i shtetit, Ilir Meta vazhdon me angazhimet e tij normale. Madje ka nisur ditën me postime përmes të cilave tregon se nuk merret fare me çështjen e personazhit që do t’i zërë vendin. Pak minuta më parë ai ka postuar në Facebook, një video nga konferenca ku mori pjesë gjatë vizitës së tij në Turqi. Meta e cilëson konferencën si tepër të rëndësishme dhe shkruan se ishte diskutuar për çështjet që preknin sigurinë europiane dhe ndërkombëtare në ditët e sotme.
“I nderuar të marr pjesë në konferencën e rëndësishme Maltepe Economic Forum “Türkiye and EU in the New Era” për të shkëmbyer pikëpamjet mbi çështjet më të rëndësishme që prekin sigurinë europiane dhe ndërkombëtare në ditët e sotme”, thuhet në postim. Kujtojmë se në korrik, Metës i përfundon mandati si president dhe ai paralajmëruar se do të rikthehet në drejtimin e LSI.
Discussion about this post