Një video tronditëse qarkullon në mediet sociale, ku duket momenti kur një karrotrec që transportonte makina, ngec në shinat e trenit, e për pasojë përplaset nga treni.
Pamjet janë regjistruar nga një shofer që ndodhej mbrapa karrotrecit, që transportonte automjete. Nga video duket se përplasja ishte aq e fortë sa makinat fluturuan metra larg nga vendi i incidentit.
Sipas autoriteteve lokale, pesë nga pasagjerët në tren u plagosën, ndërsa pjesa e përparme e trenit doli nga shinat. Në videon e regjistruar nga një shofer me celularin e tij, një burrë që supozohet të jetë shoferi i kamionit, përpiqet t’i japë kuptim trenit të ndalet, pa dobi.
