Një kamion me drogë është ndaluar nga policia greke në Patra. Mësohet se mjeti vinte nga Shqipëria, ndërsa brenda janë gjetur 50 kg marijuanë, që janë sekuestruar në cilësinë e provës materiale. Operacioni është zhvilluar mëngjesin e sotëm.
Ndërsa mësohet se droga e fshehur në një vend të improvizuar enkas në kabinën e mjetit. Kamioni është ndaluar në afërsi të Mesolongjit në rrugën “Ionia”.
Në pranga ka rënë një drejtues i mjetit, shqiptar 60- vjeç, i cili më herët kishte kaluar kufirin përmes një prej pikave të kalimit kufitar Shqipëri-Greqi.
Pritet të zbardhen detaje pas marrjes në pyetje të shqiptarit, lidhur me drogën, itinerarin e plotë dhe personat e tjerë të përfshirë në këtë veprimtari kriminale.
