Kryeministri Edi Rama ka zhvilluar një darkë iftari me të gjithë besimtarët myslimanë dhe jo vetëm. Në darkën e shtruar janë vënë re disa të ftuar të njohur për publikun, ku nuk ka munguar as bashkëshortja e tij, Linda Rama. Madje shihen dhe shuma VIP-a e figura të njohura.
Nga pamjet duket se, Princi Leka II është ulur në një tavolinë me ministren Elisa Spiropali, ndërsa në një tjetër është ulur guvernatori i Bankës së Shqipërisë, Gent Sejko. Gjithashtu ka pasur edhe aktor si Tinka Kurti, Manjola Nallbani, Gazment Paja dhe kryebashkiaku i Elbasanit, Gledian Llatja. Ajo që bie në sy është se Rama qëndron pranë Gaz Pajës, humoristit që bëri zhurmë ditët e fundit në media për tokat që merrte falas në Dhërmi.
Si përfaqësues të aktorëve janë ftuar çifti Violeta dhe Alfred Trebicka, Rozi Kostani dhe Arjola Demiri, e cila gjatë fushatës së 25 prillit doli hapur si mbështetëse e socialistëve duke u përfshirë edhe në fushatë. Në një tavolinë me Ramën, është ulur bashkëshortja e tij dhe aktorët, Tinka Kurti dhe Luftar Paja, ndërsa nuk kanë munguar as të gjithë përfaqësuesit e klerit në Shqipëri. Ndërkohë që edhe politika për sot duket se ka bërë “paqe” pasi në një tavolinë me kryeparlamentaren Lindita Nikolla është ulur Shpëtim Idrizi.
Discussion about this post