Varianti Omicron po përhapet në të gjithë botën, por ende nuk është regjistruar ndonjë rast i rëndë apo humbje jete nga infektimi i tij. Të gjithë duam të dimë nivelin e rrezikshmërisë së këtij virusi dhe më shumë në lidhje me këtë çështje ka folur virologu, Arban Domi.
Gjatë një interviste televizive, Domi tha se transmetueshmëria është e ulët dhe jemi akoma herët për të nxjerrë një konkluzion. Teksa u ndal tek efikasiteti i vaksinave anti-Covid, ai theksoi se duke u bazuar në mutacionet që kanë ndodhur pritet që efikasiteti të jetë më i ulët.
“Mund të këtë transmetueshmëri më të lartë. Nuk mund të themi se është sa Delta apo e ngjashme me të. E theksoj përsa i perket infektimit. Siç dihet edhe nga variantet e mëparshëm ndaj Deltës efikasiteti është më i ulët”, u shpreh virologu.
Sipas tij, debati për marrjen e dozës së vaksinës pasi e ke kaluar Covid, është inekzistent. Ai nënvizon se është një pragmantizëm politik sepse sipas tij, është avantazh për qeveritë që të ulin numrat për momentin. “Dihet që vaksinat mbas 6 muajsh ulin efikasitetin drejt infektimit. Nuk më duket e arsyeshme. Unë kam bërë të dyja dozat dhe nuk planifikoj të bëj asnjë tjetër”, thekosi, ndërsa bëri thirrje që të mos përhapet panik por të gjithë të ruajnë vigjilencën.
Discussion about this post