Studentët e universitetit në Elbasan refuzojnë të vaksinohen edhe pse më herët u vendos i detyrueshëm nga qeveria, para çeljes së vitit të ri akademik.
Në ditën e parë të vaksinimit në Universitetin Aleksandër Xhuvani në Elbasan, interesi i studentëve është i ulët. Sipas burimeve, gjithsej 10 studentë janë vaksinuar këtë të hënë ndërsa dy pika vaksinimi janë ngritur për këtë qëllim në kampusin qendror dhe pranë Fakultetit të Shkencave Mjekësore.
Ministria e Arsimit u ka lënë kohë studentëve prej datës 11-18 tetor të kryejnë procesin e detyruar të vaksinimit duke krijuar edhe lehtësirat me vendosjen e pikave të vaksinimit pranë fakulteteve. Megjithatë, interesi i studentëve në ditët ne vijim, për të kryer vaksinimin parashikohet të jetë i ulët.
