Ish-Kryeministri Sali Berisha duke komentuar vizitën e Sekretarit amerikan të Shtetit, Antony Blinken, në Tiranë, tha se ai takoi vetëm përfaqësuesit e një partie: Presidentin, Lali Vjedhësin, Edi Ramën, Altin Dumanin, Sokol Sadushin…
Në fjalimin drejtuar mbështetësve të tij në tubimin e rradhës, Berisha tha se garantonte qeverinë e SHBA, presidentin e vendit, se PD, forca politike që përmbysi komunizmin, forca politike që u bë promotor kryesor i marrëdhënieve miqësore mes Shqipërisë dhe SHBA dhe vendeve perëndimore, e anëtarësimit të Shqipërisë në NATO, ka qenë dhe mbetet e vendosur gjithnjë për të vazhduar në këtë rrugë bashkëpunimi miqësie në kuadrin e NATO-s dhe në kuadrin bilateral.
Në këtë kuadër, Berisha tha se asgjë nuk lëkund këto qëndrime, duke shtuar se qëndrimi ynë pro-perëndimor buron nga vokacioni perëndimor i kombit shqiptar.
“Ne u themeluam si parti e vokacionit perëndimor, por miqtë e mi, ajo që ishte në këtë vizitë e gjashta e një sekretari shteti që nga viti 1991, ajo që ishte do të thosha për Shqipërinë, e hidhur, ishte se kjo ishte vizitë në Shqipërinë moniste.
Sepse për herë të parë në një vizitë zyrtare, një sekretar shteti takon vetëm përfaqësues të një partie. Presidentin, Lali Vjedhësin, Edi Ramën, Altin Dumanin, Sokol Sadushin dhe me radhë.
E vërteta është se nuk mund të them se ai do donte një protokoll të tillë”, tha Berisha.
Discussion about this post