Janë zbardhur detaje të reja nga hetimet e Prokurorisë së Tiranës për drejtorin e Departamentit të IT-së në Policinë e Shtetit, Ervin Muça, i cili ditën e djeshme u vendos nën masën e sigurisë “arrest shtëpie” dhe u pezullua nga detyra.
Mbi të rëndojnë akuzat për veprat penale të “Shpërdorimit të detyrës”, dhe “Hyrja e Paautorizuar Kompjuterike”, pasi ka rezultuar si personi që ka hyrë në sistemin TIMS i paautorizuar dhe ka eksportuar të dhënat e TIMS-it.
Gjatë marrjes në pyetje në akuzën paraprake, Muça ka mohuar kryerjen e veprës penale apo të jetë ai personi që ka kopjuar të dhënat e sitemit TIMS. Ai ka pretenduar se nuk ka qenë në zyrë ditën kur ka ndodhur vjedhja e të dhëlnave të TIMS-it.
Por, nga ana tjetër hetuesit kanë në dorë pamje filmike të kamerve të sigurisë në zonë që kanë fiksuar drejtorin e IT-së të Policisë së Shtetit ditën që është ndërhyrë në sistemin TIMS. Duke përdorur pin-in e një prej punonjësve, ai hyri në godinë duke ndërhyrë më pas në sistem për eksportimin e të gjithë të dhënave të sistemit, në një pajisje private.
Po ashtu edhe një person tjetër ka deklaruar se Muça ka qenë në zyrë ditën ditën kur është bërë ndërhyrja.
Gjithashtu, me kërkesë të Prokurorisë së Tiranës, ekspertët e SPAK kanë zbërthyer kompjuterin e Ervin Muçës dhe po ashtu kanë konfirmuar eksportimin e të dhënave.
Burime bëjnë me dije se për këtë ngjarje po verifikohet edhe personi tjetër, i cili u fut në godinë në mënyrë të paautorizuar. Ai dyshohet se ka ndihmuar Muçon në kopjimin e të dhënave. Personi i paautorizuar, për të mos lënë gjurmë, është futur në godinë me PIN-in (kodin) personal të një punonjëseje tjetër e cila mësohet se ndodhej me leje të zakonshme.
Gjithsesi, Prokuroria e Tiranës i ka ende të paqarta motivet se përse drejtorit të IT në Policinë e Shtetit, Ervin Muça ka kopjuar të dhënat e qytetarëve të Republikës së Shqipërisë. Në sistemin TIMS ndodhen të regjistruar të gjitha hyrje-daljet jashte vendit të qytetarëve, po ashtu ka edhe të dhëna për persona që janë në kërkim, për ngjarje të rënda kriminale.
Për vjedhjen e të dhlnave nga sistemi TIMS, sinjalizimi u dha nga punonjës të drejtorisë që konstatuan ndërhyrjen, duke çuar emaile në thuajse të gjitha strukturat e shtetit dhe medias.
Kjo nuk është hera e parë, që emri i Ervin Muçës lidhet me abuzimin e të dhënave personale apo informacioneve kaq sensitive. Ai u vendos nën hetim dhe për nxjerrjen e listë-pagesave të punonjësve, targave e numrave të telefonit, por ndërsa dy vartësit e tij u dënuan minimalisht për abuzimin me këto të dhëna, Muça arriti ti shpëtonte drejtësisë, për tu graduar më pas në pozicion drejtues në Policinë e Shtetit, ku duket se është sërish protagonist i një tjetër skandali e abuzimi me të dhënat e shqiptarëve.
Vleb të theksohet fakti se më 17 Gusht të vitit 2023, Ambasada Ameriake në Tiranë ngriti shqetësimin për ndërhyrje në sistemin TIMS dhe kërkoi hetim të çëshjtes.
Discussion about this post