Policia e Vlorës në kuadër të operacionit “By Pass”, i nisur në vitin 2020, ka prangosur një 27-vjeçar. Uniformat blu të Vlorës bëjnë të ditur se është vënë në pranga Hermes Belcka, 27 vjeç, banues në lagjen “24 Maji”, Vlorë, i shpallur në kërkim pasi Gjykata e Shkallës së Parë Vlorë i ka caktuar masën e sigurisë ”Arrest në burg”, për veprat penale ”Heqja e paligjshme e lirisë” dhe ”Vjedhja”, kryer në bashkëpunim.
Në kuadër të këtij operacioni, në dhjetor 2020 u ekzekutuan masat e sigurisë “Arrest në burg”, për veprën penale “Vjedhja” kryer në bashkëpunim, për shtetasit B. L., 35 vjeç, T. M., 33 vjeç dhe M. Ll., 25 vjeç, banues në Vlorë.
Gjithashtu u ekzekutua masa e sigurisë “Arrest në burg”, për veprat penale “Vjedhja” dhe “Heqja e paligjshme e lirisë” kryer në bashkëpunim, për shtetasin A. D., 36 vjeç, banues në Vlorë.
Shtetasit A. D. dhe H. B., në mars të vitit 2020, i kanë hequr lirinë shtetasit D. K., 34 vjeç, banues në Orikum. Në vijim të hetimeve është shpallur në kërkim edhe shtetasi D. S.
Nga veprimet hetimore dyshohet se këta gjashtë shtetas janë autorë të disa vjedhjeve të ndodhura gjatë dy viteve të fundit.Materialet i kaluan Prokurorisë, për veprime të mëtejshme.
Discussion about this post