Gjykata Kushtetuese ka shtyrë seancën e përcaktuar për ditën e sotme, lidhur me kërkesën e 28 deputetëve të opozitës për VKM që qeveria kërkon të kalojë lidhur me konfiskimin e pronave.
E ftuar në News24 Enriketa Papa, tha se në aspektin politik e gjitha kjo sipas saj është një lloj presioni që ka për qëllim të legjitimojë veprimet e qeverisë.
“Duhet parë edhe argumentimi i gjykatës. Nga aspekti politik është një lloj presioni për të konfiskuar pronat dhe për të legjitimuar veprimet e qeverisë. pasi konfiskimi i pronave me një VKM është absurd. Por unë i qëndroj faktit se duhet parë edhe qëndrimi i gjykatës”, tha ajo.
E ndalur tek zgjedhjet lokale të 14 majit, Papa tha se PD ka qenë në një moment shumë delikat, por theksoi se partia nuk duhet të shihet si një pronë e kryetarit, por duhet t’u shërbejë qytetarëve.
“Populli nuk duhet të shihet si një limon për t’u shtrydhur, ne duhet të rigjejmë identitetin e Partisë Demokratike”, tha më tej Enriketa Papa.
Zgjedhjet lokale të 14 majit:
Enriketa Papa, kryeson listën e Alibeajt për Tiranën: Partia nuk është e kryetarit. Nuk ka PD të Alibeajt, por PD të demokratëve. Duhet të jemi për një politikë reale dhe jo të shkojmë pas qëndrimeve të udhëheqësve. Sot të gjithë indekset ndërkombëtare apo të gjitha sondazhet, nxjerrin si problematike të madhe një skepticizëm të madh të shqiptarëve për t ardhmen. Sot 80 % e shqiptarëve nuk ka një shpresë për të ardhmen. Pra qarkullimi i elitave nuk bëhet dhe mbahet në ngërç e gjithë çështja politike,. Por kësaj rruge i jam futur për të dhënë një farë kontributi , në mënyrë që kjo politikë të mos jetë kaq përçmuese, por edhe brezave të rinj, duhet t’u jepet mundësia për t’u përfshirë. PD nuk duhet lënë të bjerë pre apo të zhvatet nga ish-drejtorët e saj. Ky grup që ka mbetur në PD , janë për të treguar të vërtetën dhe për të thënë që në këtë PD ka njerëz me integritet./BW/
Discussion about this post