Teksa e gjithë vëmendja është përqendruar tek e ardhmja e trajnerit Tomas Brdariç dhe fakti nëse do të rinovojë apo jo pas ofertave që ka marrë ditët e fundit, në klubin shkodran ka ardhur rinovimi i parë. Bëhet fjalë për zëvendëstrajnerin Elvis Plori, i cili është dhe krahu i djathtë i teknikut kroato-gjerman.
Ka qenë vetë klubi shkodran që pak minuta më parë përmes faqes zyrtare ka bërë të ditur rinovimin me Plorin për sezonin e ardhshëm. Puna tashmë ka nisur dhe në ditët në vijim pritet të firmosin edhe pjestarët e tjerë të stafit teknik, për të vazhduar më pas edhe me lojtarët.
“Trajneri jonë i shkëlqyer Elvis Plori, vlera dhe kontributi i të cilit në rikthimin tek suksesi janë të padiskutueshme, rikonfirmohet në pankinën kuqeblu dhe për sezonin 2021-2022 me objektiv prezantimin dinjitoz në Kupat e Evropes dhe arritjen e fitimit të të tjera trofeve!”
