Vllaznia sfidon sonte Partizanin, për ndeshjen e vlefshme për javën e tretë të “Abissnet Superiore”. Kjo përballje e cila do të luhet në “Loro Boriçi” do të nisë prej orës 18:30.
Shkodranët i duhet të bëjnë pa trajnerin Edi Martinin në stol, i pezulluar nga Disiplina pas gjestit në Elbasan, ndërsa pret një rival me “dozë motivimi” të lartë, pas dy javësh kampionati me vetëm një pikë dhe “tabu” për të thyer në Shkodër (nuk fitojnë që prej 2022-shit).
Pikërisht, disa orë para se të zbresin në fushë, Vllaznia ka dalë me një njoftim “drithërues” duke kërkuar mbështetjen maksimale të tifozerisë shkodrane.
“Le të tregojmë edhe njëherë forcën e Shkodrës, dashurinë për Vllazninë dhe qytetarinë që na karakterizon. Të mbështesim ekipin që nga minuta e parë e deri në të fundit, me zë, me zemër dhe me respekt”, shkruhet në postimin e Vllaznisë, teksa vlen the slogani: Sot, “Loro Boriçi” duhet të flasë kuqeblu!
Një sfidë e zjarrtë pritet sot, pasi në fushë do të luhet për llogaritë, si ato në fushë dhe ato në bilancet “kokë më kokë”. Pikët janë të rëndësishme dhe një hap më shumë për të ngjitur në klasifikim, pa u shkëputur nga rivalët për titull.
Discussion about this post