Vodhën çimçakiza dhe 10 byrekë, shpallen në kërkim dy adoleshentë në Tiranë

Dy adoleshentë kanë vjedhur një dyqan byrektoreje të personit, G. Selmani në lagjen “Kastriot”, pranë gjimnazit “Janaq Këllica”.

Vjedhja është bërë mbrëmjen e djeshme, në orën 2 pas mesnate, ku dy adoleshentë kanë shkuar me shkallë dhe kanë hyrë në dyqan nga dritarja.

Pronari i dyqanit ka njoftuar sallën operative dhe policia ka mbërritur në vendin e ngjarjes. Sipas tij, adoleshentët kanë vjedhur 2 çelësa hidraulik, një avometër, disa çëmçakiza, 6 mijë lekë të vjetra xhiro, dhe 10 byrek me gjizë që kishin mbetur pa shitur.

Policia ka sekuestruar pamjet filmike ku hajdutët duken qartë dhe janë vënë në kërkim të tyre, ndërkohë që shenja gishtërinjsh janë gjetur në dyqan dhe tek shkallët prej druri që ata kishin lënë tek garazhi.