Vora fitoi në shtëpi ndaj Murlanit me shifrat 2-0 teksa vendasit realizuan nga një gol për pjesë. Ai që zhbllokoi shifrat ishte Prengaj në minutën e 33-të ndërsa në fraksionin e dytë, në minutën e 73-të Jata dyfishoi shifrat dhe siguroi triumfin për skuadrën e tij.
Ky sukses ishte edhe mënyra më e mirë për Vorën që u shpall Kampione e Kategorisë së Dytë teksa tashmë festojnë ngjitjen në Kategorinë e Parë dhe vijojnë me projektin për t’u ngjitur në elitë.
Tashmë, Vora dhe fituesi i Grupit B, AF Elbasani do të luajnë takimin final mes tyre, të enjten e 11 majit në stadiumin ‘Air Albania’ në ora 18:00, nga ku do të dalë edhe skuadra kampione e Kategorisë së Dytë për këtë edicion futbollistik.
Discussion about this post