Gjykata ka vendosur masën arrest me burg për Sajmir dhe Landi Mirin, dy vëllezërit që vranë Indrit Ndojn në Fushë Krujë ditë më parë. Indrit Ndoji u gjet i pajetë në një kanal në anë të rrugës nga familjarët e tij, ndërsa ishin nisur për punë.
Trupi u gjet pas orës 08.00 të mëngjesit të premten, 21 tetor, ndërsa dyshohet se 34-vjeçari ndodhej aty i pajetë për rreth 8-9 orë. Vëllezërit Miri u arrestuan nga policia të shtunë më 22 tetor.
Sipas ekspertizës, 34-vjeçari fatkeq është qëlluar nga autorët me kaçavidë. Sakaq uniformat blu bëjnë me dije se janë sekuestruar provat ligjore që çuan në zbardhjen e ngjarjes dhe në identifikimin e autorëve.
Dy vëllezërit janë konfliktuar fizikisht, për motive të dobëta, me 34-vjeçarin, i cili ishte me masë sigurie “Arrest në shtëpi” dhe e kishte thyer masën duke dalë në rrugë, veprim që rezultoi fatal.
Discussion about this post