Të rinjtë e Forumit Rinor të Partisë Demokratike (FRPD) kanë zhvilluar sot një protestë të heshtur për vdekjen e 32-vjeçarit Lear Kurti. Kurti vdiq në ambientet e Komisariatit nr.3 në kryeqytet. Të rinjtë në shenjë simbolike kanë ndezur qirnj në shkallët e ministrisë së Brendshme ku dhe kanë vendosur pankartat.
“Lear Kurti vrarë nga shteti, dorëhiquni”, shkruhej në disa pankarta.
Po ashtu të rinjtë kanë paralajmëruar edhe protesta të tjera edhe më masive në ditët në vazhdim, pasi kjo ngjarje e përsëritur është bërë shume problematike dhe institucioni që është krijuar të mbrojë jetën e qytetarit, sipas të rinjve, “pabesisht po bën të kundërtën e saj, duke vrarë njerëzit” .
Discussion about this post