Detaje të reja janë zbardhur nga vrasja e 26-vejçarit Alber Muja në Mitrovicë. Policia ka mundur të ndërtojë dinamikën e ngjarjes, ku fillimisht Muja u plagos, por më pas humbi jetën në spital.
Një konflikt mes Mujës dhe dy të rinjve të identifikuar si Lundrim Beqiri dhe A.Z., ka degraduar deri në përdorimin e thikës.
Gjatë përleshjes, viktima është sulmuar me thikë nga njëri prej të rinjve. Ata më pas janë larguar me vrap, për të humbur gjurmët. Policia pas këqyrjes së kamerave të sigurisë dhe punës në vendngjarje mundi të identifikojë autorët e ngjarjes të cilët janë shpallur në kërkim.
Një automjet është gjetur nga ana e policisë, e cila konfirmon se ai është mjeti me të cilin autorët u larguan nga vendngjarja.
Kush është Lundrim Beqiri?
Lundrim Beqiri është vëllai i Valdrin Beqirit, i cili ishte arrestuar para 5 vitesh, për vrasjen me kallashnikov të studentit 21-vjeçar, Valon Sadikut, në rrugën “UÇK”, afër gjimnazit “Frang Bardhi”, në Mitrovicë.
