Ish-kryeministri Sali Berisha ka reaguar nga dritarja e shtëpisë së tij për vrasjen e 42 vjeçarit Egli Proga në Pogradec dhe pretendimet se policia u mundua ta fshehë ngjarjen.
Sipas kreut të PD, Rama tentoi të dalë në krah të policisë, teksa vrasësin e cilësoi një gjobëvënës të Rilindjes.
“Drama, tragjedia e Egli Progës dhe familjes së tij është në tërësi një dramë shqiptare e madhe, që luhet sot kudo në çdo qytet, në çdo fshat, në çdo vend.
Sundimi i krimit mbi qytetarin, shteti i krimit mbi shtetin ligjor, kjo është Shqipëria sot.
Pas kaq ditësh nga kjo ngjarje që tronditi thellë ndërgjegjen njerëzore të qytetarëve të Pogradecit dhe Shqipërisë, më në fund foli edhe padrinoja, Edi Rama.
Lexojeni miq se çfarë turpi, çfarë fytyre ka kriminel që në një çarçaf të tërë nuk gjen dot një hapësirë sado të vogël për t’i shprehur ngushëllim familjes Proga.
Që në pamfletin e tij të turpit, apologji e krimit, nuk thotë një fjalë të vetme për dënimin e kriminelit.
Përkundrazi, bën apologjinë e policisë që bëri gjithçka të fshihet krimin me dëshmitarë.
Bën apologjinë e urgjencës që e la të shtrirë në 300 metra distancë mbi 30 minuta.
Kjo është Shqipëria, ky është Edi Rama”, tha Berisha.
gijotina.com/
Discussion about this post