Endrit Sinaj, i cili u vra me armë zjarri në Spanjë, u dërgua në derën e urgjencës nga një shqiptar tjetër. Falë targës së makinës që kishin kapur kamerat e sigurisë, policia spanjolle ra në gjurmët e shqiptarit.
Ai tregoi se e kishte gjetur Endrit Sinaj të plagosur në anë të rrugës, por nuk dha asnjë informacion të mëtejshëm.
Pasi u mor në pyetje për një kohë të gjatë dhe kontrollit në banesën e tij, policia e liroi pasi rezultoi se nuk kishte lidhje me krimin. Gjithashtu iu kthye makina, tip Seat Cordoba, me të cilën ai kishte çuar viktimën në urgjencë.
Sinaj kishte pak ditë që ishte liruar me kusht nga gjykata dhe u la i plagosur në dyert e urgjencës së spitalit në Trueta në Girona nga një bashkatdhetar.
Discussion about this post