Konflikti mes dy fqinjëve në Tiranë që përfundoi në vrasje, tronditi qytetarët disa ditë më parë. Sot janë zbardhur detaje të reja nga këqyrja e kamerave të sigurisë në vendin e ngjarjes.
Ilir Kapo pas sherrit ka goditur me grushte komshiun e tij Olgert Dhimitrin, ndërsa një grup prej shtatë apo tetë personash të lagjes që kanë qenë të pranishëm nuk kanë mundur t’i ndajnë.
Kur Dhimitri ka parë që nuk mund të vazhdonte sherrin me Kapon, është zhvendosur aty pranë në afërsi tek disa kangjella, ai ka marrë një thikë dhe ka nisur të ndjekë nga pas 60-vjeçarin.
Kapo ka vrapuar për rreth 25 apo 30 metër dhe është penguar e ka rënë në tokë, ndërsa më pas është ndjekur nga Dhimitri i cili nga aty e ka qëlluar me thikë disa herë në bark dhe afër qafës. Kapo, i plagosur, është ngritur ka ecur në vështirësi për disa metra, ka rënë para lokalit ku vetëm pak çaste më parë po pinte në një tavolinë dhe ka ndërruar jetë.
Discussion about this post