Është vetëdorëzuar sot në polici, 20-vjeçari gjerman i cili dyshohet se është autori i vrasjes së një shqiptari 25-vjeçar në Këln të Gjermanisë.
Sipas gazetës BILD, shqiptari ishte për vizitë te një i afërm në Këln dhe kishte dalë për të festuar Hallouinin. Por, atje ka filluar të grindet me 20-vjeçarin dhe pasi kanë dalë në ambientet jashtë lokalit të natës, janë konflikt ar fizikisht dhe aty u qëllua me një mjet të fortë.
Dëshmitarët thanë se mes tij dhe një personi tjetër kishte pasur sherr edhe brenda klubit. Nuk dihet nëse adoleshenti e ka qëlluar me thikë apo me ndonjë shishe birre të thyer. Autori është nën akuzë për vrasje. Ai nuk ka folur, ndërsa është dorëzuar me avokatin në polici.
Discussion about this post