Shqiptari i arrestuar për sherrin e përgjakshëm në Greqi ku humbi jetën një 19- vjeçar, ka mohuar përfshirjen e tij në këtë ngjarje.
Mediat greke kanë publikuar video nga momenti i vrasjes së të riut ku shqiptari identiteti i të cilit nuk bëhet i ditur shikohet duke ikur me vrap pas kryerjes së vrasjes.
Shqiptari ishte një nga tre të dyshuarit e arrestuar pasi u identifikua nga pamjet video si personi që hynte dhe dilte nga dy makinat që drejtoheshin nga grupi prej rreth dhjetë huliganësh, të cilët sulmuan 19-vjeçarin Alkis dhe dy miqtë e tij, disa metra larg stadiumit te futbollit te Aris Selanikut.
23-vjeçari ka një të kaluar kriminale “të rëndë” , pasi në vitin 2019 ai u referua në gjyq për një rast dhune nga tifozët. Autoritetet po flasin për një huligan me pika, i cili thuhet se ka marrë pjesë në data të tjera vdekjeje me tifozë rivalë.
Nga informacionet thuhet që 23-vjeçari ka marrë pjesë në episodet e rënda që njollosën finalen e Kupës 2017 në Volos, ku tifozët ishin goditur me thika dhe armë të tjera vdekjeprurëse brenda stadiumit.
Policia përveç shqiptarit të arrestuar është dhe në kërkim të dy shtetasve të tjerë të identifikuar nga kamerat e sigurisë si persona të përfshirë në këtë ngjarje makabre.
Ndërkaq arrestimi i shqiptarit nuk u mjafton familjarëve dhe qytetarëve të tjerë të cilët kërkojnë drejtësi për vrasjen e të riut, ato kërkojnë dënimin e të gjithë huliganëve që morën pjesë në sulmin vrasës në orët e para të së hënës.
Discussion about this post