Ndërkohë që prokuroria vazhdon hetimet për vrasjen e Iljaz Çalit, janë shëruar sot në polici 15 persona, që po merren në pyetje. Sipas burimeve, personat e marrë në pyetje janë familjarë të viktimës, por edhe persona që kanë pasur përplasje e konflikte në biznes me viktimën, me qëllim për të grumbulluar a më shumë detaje dhe për të zbardhur të vërtetën.
Policia njofton se, dëshmitë e marra deri më tani kanë qartësuar edhe pistën kryesore të hetimeve, ku po punohet për zbardhjen e ngjarjes, pra, atë të larjes së hesapeve për konfliktet e biznesit. Hetuesit kanë dalë në përfundim, se vrasja e 37-vjeçarit është kryer nga vrasës me pagesë. Është zbuluar se në automjetin nga ku u qëllua me breshëri kallashnikovi, fuoristrada e Çalit kanë qenë 3 persona. Ndërkohë dyshimet janë se 37-vjeçari është mbajtur në vëzhgim nga një tjetër person, i cili i ka dhënë autorëve informacion për lëvizjet e viktimës.
Ky është dhe shkaku që hetuesit dyshojnë se janë vrasës me pagesë, pasi autorët kanë ditur çdo lëvizje të viktimës, madje e ka ndjekur atë nga pas, dhe finalizimin e atentatit e kanë zgjedhur jo më kot në afërsi të mbikalimit të Rinasit, me qëllim që të kishin mundësi që të dilnin me shpejtësi nga autostrada. Autorët perveçse kanë kryer me përpikmëri atentatin, duke mos lënë shumë prova në vendin e ngjarjes, ata janë ndihmuar për të humbur gjurmët edhe nga fikja e dritave në këtë aks rrugor, ku sipas burimeve nga grupi hetimor për shkak të errësirës, kamerat e sigurisë nuk kanë fiksuar asnjë person te dyshuar për atentatin që i mori jetën 37-vjeçarit, Iljaz Çali.
Kujtojmë se ai u vra mbrëmjen e së dielës pasi makina që po udhëtonte u qëllua me breshëri plumbash në autostradën Tiranë-Durrës.
Discussion about this post