Kanë përfunduar hetimet për Koço Buzon i cili në datën 6 maj të vitit 2021 ekzekutoi me armë përpara ambienteve të gjykatës gruan e tij Liljana Buzo me të cilën ishte në proces divorci. Njoftimin është publikuar nga Prokuroria e Elbasanit, e cila pas përfundimit të hetimeve, dosja e ngjarjes së rëndë do të dërgohet për gjykim dhe pritet vendimi përfundimtar për 59-vjeçarin.
Liljana Buzo u qëllua me 7 plumba sapo doli nga gjykata e Elbasanit ku kishte shkuar të merrte urdhrin e mbrojtjes pasi vazhdimisht dhunohej nga i shoqi. Ndërkohë policia ka mundur që të vërë në pranga autorin e krimit 59-vjeçarin Koço Buzo. Ky i fundit plagosi gjithashtu edhe dy persona.
Ngjarja i referohet datës 06/05/2021 në të cilën në afërsi të Gjykatës së Rrethit Gjyqësor Elbasan i pandehuri Koço Buzo vrau me armë zjarri bashkëshorten e tij Liljana Buzo, me të cilën ishte në proces divorci.
Discussion about this post