Ditën e sotme, në Ukrainë është vrarë një mercenar serb i cili ka luftuar në anën e rusëve. Stefan Dimitrijeviç nga Beogradi, i njohur me pseudonimin “Çelavi” është vrarë gjatë luftimeve në Lugansk.
Lajmin për vrasjen e tij e ka njoftuar në rrjetet e tij sociale miku i tij, Stevan Millosheviq. Dimitrijeviqi kishte qenë vullnetar në Lugansk që nga viti 2014 dhe ishte nderuar nga Rusia për kontributin e tij që ka dhënë në luftë.
Një mercenar tjetër nga Serbia që po lufton në krah të Rusisë në Ukrainë është edhe Dejan Vujiç. Ai është mik i presidentit të Serbisë, Aleksandar Vuçiç, gjë që shihet edhe në një foto të përbashkët që vet Vujiçi e ka postuar në profilin e tij në Facebook.
Ai ka postuar edhe foto të tij nga Ukraina, i armatosur. Një numër i konsiderueshëm i shtetasve të Serbisë dhe qytetarë serbë nga shtetet e tjera të Ballkanit Perëndimor po luftojnë në anën e rusëve në Ukrainë.
Serbia po bën përpjekje maksimale që të fshehë pjesëmarrjen e shtetasve të saj në luftën në Ukrainë, në krah të Rusisë. Qëkur nisi lufta, Vuçiçi e ka cituar ligjin që ndalon pjesëmarrjen e shtetasve në luftërat e huaja. Bashkimi i mercenarëve serbë në konfliktin në Ukrainë ka nisur që nga viti 2014, kur Rusia pushtoi gadishullin ukrainas të Krimesë.
Discussion about this post